AN@S Online >>>

خيو أنا عرفت بالأخير أنو الشركة يلي أنا هلأ بشتغل فيها هيي يلي صممت برنامج الحجب للمؤسسة .. “إي لا تسبونا ما لنا علاقة” المهم أنا من عندي ما في شي محجوب “كمان على تحسدونا”

بقا حجبو، وأنا من كم يوم انسطلت، فكري غير محجوب لأنو مرة بيفتح ومرة لأ، قلت أكيد في مشكلة، يعني موسوعة تنحجب !!؟؟؟.

انا مللت الحديث عن تخريفات وزارة الاتصالات

اخي انس لا تنسى حجب مدونات مكتوب

و انا انتظر منك بقية سلسلة القواعد الأساسية لكل من يرغب بالعمل كمصمم / مبرمج مستقل

أنو يعني عنجد شي بيهز البدن ..

مواقع من أسوأ مايكون بضلها موجودة .. وبيحجبوا موسوعة!!!

إذا المدونات شوي شوي عم يحذفوها كانوا ببلوغ وهلأ بمكتوب ..

وهي ويكيبيديا ..

دول العالم عم تتنافس مين بتقدر تغني موسوعة ويكبيديا يلي بلغتها اكتر من الدول التانية ودول تانية بتحجبها!!!..

وعجبي!

لا حول ولا قوة إلا بالله..
عظم الله أجركم في إنترنت سورية.. أعتقد أن الوضع سيزداد سوءا إلا أن تحدث معجزة…

لا حول ولا قوة إلا بالله ، هون بالسعودية ول موقع من هل مواقع محجوب و بالنسبة للدي اس ال بقولولك من شان الله خود خط دي اس ال اخي لا تدفع بس خود!

بعين الله انوس إلا ما تفرج ..

بصراحة موضوع خطير جدا.
انا مستغرب من حجب اليوتيوب والبلوجر والافظع من ذلك هو حجب ويكيبيديا.
امر غريب فعلا.
تحياتي اخي
وان شاء الله تنحل المشكلة عندكم

السلام عليكم …

مستر بلوند, البرنامج المستخدم في الحجب ThunderCache هو نسخة معدلة عن البروكسي الشهير Squid وموقعه http://www.squid-cache.org التعديل ليس أكثر من عمل بحث في الكود المصدري للبرنامج الاصلي واستبدال كلمة squid بكلمة ThunderCache
برنامج الـ Squid هو برنامج واسع وممتاز لو تم استخدامه بالطريقة الصحيحة عند مزودات الخدمة لكنهم هنا للأسف لا يستخدمونه إلا بأبسط إمكانياته وهي حجب المواقع !

علوش, ما بعرف ليش مستغرب أنو تنحجب موسوعة … هون كلشي بيصير ونحنا عم نستنى اليوم يلي رح ينحجب فيه غوغل !

ريد مان, اي اكيد مالي نسيان حجب مدونات مكتوب بس شو بدي عد لحتى عد ! بالنسبة للجزء الثاني من موضوع العمل الحر انشالله بيكون جاهز خلال ايام.

فتوشة … يظهر في شي موضوع بالويكيبيديا ما عجبن بدل ما يفوتوا يحرروه ويحطو رأيهم قرروا يحجبوه .. أريحلن !!

محمد مو بس بالسعودية … ال ADSL شغلة ما عاد حدى حكى فيها بكل الدول على اعتبارها شغلة بديهية ومتوفرة ليلي بحب … ونحنا نشف دمنا من الديال أب!

بالفعل حجب هذا الموقع بالذات كان مفاجئــــة كبيرة
خاصــــة أني كنت استعين به بالبحث بشكل كبير

وبين ليلة وضحاها حُجب !

آخر المتوقع أن يتم حذف موقع موسوعة علمية يستفاد منها بالأبحاث ..

شوي كمان وراح يأخذ قرار الغاء الأنترنت نهائيا

حسبنا الله و نعم الوكيل
انا بالنسبة لي عمال احل المشلة بالدخول علي الموقع
التالي الذي يتصفح بالبروكسي الخاص به.

http://www.bpcd.net/cgi-bin/nph-proxy.cgi

بتصور بعد فترة رح يغيرو سياستون , يعني بدل ما يحجبو الف موقع و يخلو الباقي, بيسكرو الانترنت كلا و بيفتحو للمستصفح السوري بعض المواقع المفيدة , مثل موقع الجمعية العلمية السورية, مواقع الوزارات , المواقع الااخلاقية, …

عندما أخبرت صديقاتي من السعودية عن قائمة الحجب في سوريا أصبن بصدمة شديدة وكان جوابهن المشترك ” بالسعودية مفتوحة المواقع وعندكم مسكرة ؟؟”

وحياة الله عيب.. ولا حياة لمن تنادي

حسبي الله و نعم الوكيل. حتى الويكي بيديا

لو منه خير ما حجبوه

أنا حسب ما عرفت انو سبب حجب ويكيبيديا نشر الصور المسيئة بس انا رأيي برغم خطورة الموضوع بس ممكن ينحل بغير هالطريقة لأنو ويكبيديا موسوعة غنية جدا وجيدة وموضوعية وأنا بصفتي أحد محبي هذه الموسوعة بطالب وزارة الإتصالات والتقانة بإلغاء الحجب والتفكير بحجب المواقع الإباحية المضرة بأخلاق المجتمع بدل حجب الموسوعات

خليهون يحجبو الانترنت فرد مرة و يخلصونا من هالمسخرة…
يا عالم الانترنت برا صارت خدمة بديهية …متل الكهربا و المي و نحنا لسا عم نشتغل عالديل أب..

لا حدا يتردد لحظة بالرحيل من هالبلاد اذا اتيحت له الفرصة…عدارفور او عالصومال معليش

سنقول كما قال خليل مطران:
ما كانت الحسناء ترفع سترها لو أن في هذي الجموع رجالاََ

(أنا حسب ما عرفت انو سبب حجب ويكيبيديا نشر الصور المسيئة)لو فعلاهذاالشئ صح كان الأولى يحجبوا الكازينوهات المنتشرة بكل سوريا

يا جماعة شو هالمسخرة الي عمتصير ،،، يعني معقولة أكثر المواقع إباحية بتكون مسموحة ، ومواقع مفيدة مسكرة ؟؟؟

وطيب ليش الDSL من عشر سنين مالين منو ببلاد برا ولهلأ حلم أنو يكون عند الواحد DSL ؟؟؟ لإيمتى التخلف ??
والله دولة ما عاد استحت !!!

بس الهدف من حجب المواقع المفيدة وترك المواقع السيئة مشان يضل الشعب نايم وما يصحى عليهم شو عمسووا

ولا حدا يستغرب إذا عرف أنو هي خطة مدروسة لتمويت الشعب على البطيء ،،،

طيب هلأ بدي أسألكم في واحد عربي اخترع شغلة عليها القيمة وضل موجود ؟؟؟!!!
يعني في سوري اخترع قنبلة شديدة الفتك وراح ليقدمها لوزارة الدفاع – مشان يفيد بلدو – تاني يوم ما عد رجع وخلو عندن يشرب كاسة الشاي ، والمشكلة أنو لهلأ ما خلصت كاسة الشاي ،،،
بدكن واحد تاني ؟؟ السعودي الي اخترع سلاح كمان ماعد بين ،
وغيرو عالم الكيمياء المصري الي لقا طريقة لتحويل النباتات إلى فضة وأثبتلهن هالشي بأدلة وأخذ براءة اختراع من بلاد برا ، وبلادوا ما رضيت تعطي براءة اختراع ، وقللهن أنو عندي طريقة لتحويل النباتات إلى ذهب ، وما كان طالب منهن شي إلا الدعم مشان يفيد بلدو // حتى انو اجتو من فرنسا دعوات للعمل فيها بمبالغ هائلة بس ما رضي ،،، وروحوا دوروا عليه هلأ // مو مبين // راح متل غيرو ،،، لك شو بدي قول ، هاد وغيرو وغيراتوا كتاار الي راحوا على كاسة الشاي وما خلصوا لهلأ ،،

آسف للإطالة ، بس لإيمتى بنا نضل ساكتين ؟؟؟!!

للأسف لم أتوقع منك حذف مشاركتي ، ولماذا حذفتها أصلا ؟؟
على العموم أنت حر هذه مدونتك وأنت حر بها ولكن خاب ظني …

عزيزي صاحب التعليق الأخير؟ عن أية مشاركة تتحدث؟

آسف أخي اخطأت بالموضوع وظننت أن مشاركتي حذفت أكرر اعتذاري

يا جماعة انا كتير بستعين فيه ما في طريقة هيك او هيك نفتحو

والله ما بعرف بس أنا كمان بدي أسأل نفس سؤالك ،، والمشكلة أنو انا مو بسوريا حاليا لحتا جرب برامج فتح المواقع المحجوبة ،،،
وبدي أسأل برامج فتح المواقع المحجوبة بتنفع ولا شو ؟ يا ريت إذا حدا بعرف يجاوبنا لأنو مشكلة هيك الحجب
تحياتي

مرحبا
طولو بالكم يا شباب بس بيعين الله وبتفرج هنن هالخمسين سنة رح نمعيشهون بدون انترنت متل الخلق وبعدين بنموت وبس يخترعوا شيء غير الانترنت وأحسن منو بتصير عنا خطوط ا د س ل

شو هل المصيبة هادي ؟؟؟؟ يعني مابدهن أنو حدا تزيد ثقافتو شوي !!!…. بهل الحالة أنو مافي غير المواقع التافهة نتفحها …وعما قريب رح يحجبوا كوكل منصفى بدون انترنت ..
ياجماعة اذا حدا بيعرف كيف طريقة فك الحجب أو أي طريقة تانية لفتح الموقع اكتبوها لأن كتييير قيم ومفيد الموقع

هل من المعقول أن موقع الويكيبيديا الذي يعدّ من أفضل المواقع العلمية و الثقافية والذي يستمدأكثر من80% من سكان العالم المعلومات و النصوص الثقافية منه يصبح مغلقاً و المواقع الإباحية و المبتذلة و التي نفسد أذهان الناشئة تبقى مفتوحة ولا تُمارس عليها أي نوع من الرقابة؟؟؟!!!

يعني بصراحة انتو واجعين راسكون عالفاضي
لا حجب حتفكو ولا الوزارة المصونة رح تسمع
يعني كالعادة رح يصير (حجب وتعتيم )عالقصة كلها
والعوض بسلامة المواقع ياللي قال يعني ماشي حالها وبتناسب القضية الوطنية

يا حبييييبي حجب أضخم موسوعة ويكيبيديا الغنية بالمعلومات المفيدة جدا لماذا
ومواقع الجنس لاتحجب ماصفي غير المواقع التافهة عن جد
مهههههههزلة

فعلاً، أصبحنا محرجين أمام أصدقائنافي بلاد عربية أخرى، ها نحن في السودان الشقيق ،ولدينا خدمات إنترنت عالية المستوى، كما أن المواقع المفيدة مفتوحة، والحمد لله أن المواقع الساقطة محجوبة، عكس الذي لدينا في بلدنا الغالي علينا جميعاً ولكن نسأل الله للمسؤولين فيه أن يهديهم ويجعل أفئدتهم تتحول إلى ما يرضيه ، وإلى ما فيه خير البلاد والعباد.
تفاجأت كثيراً بعد أن سمعت من أحد أصدقائي في بلدنا ، أن المواقع الإباحية مباحة على أوجها وكأن المسؤولين لدينا فهموا الكلمة على مطلقها فأطلقوها، ولكن الذي يبدوا جلياً هو أنها خطة مدروسة ومدفوعة الأجر وهدفها الواضح هو إلهاء الشعب وخاصة الشباب الذي هو عماد الأمة، عن قضايا الأمة الهامة والضرورية، بما يفسد الأخلاق ويميت الضمير الحي.
حسبنا الله فيهم، وأهيب بكل أخ شريف ناصح وغيور على أمته وبلده(وذلك من الإيمان) أن ينبه للمخاطر ونعمل جميعاً للتصدي لهذه الخطة الفاسقة، فهذه مهمة الجميع ولا يستثنى منها أحد.
والله ولي التوفيق

iyt

الله يسلم هالديات شهرين تانيات وماعد يبقى مواقع في سوريههههه

ما عاد ستحو نهائي يعني

والله هل الموسوعة ما فية شي كلها معلومات حلوة يعني حرام تنحجب

أي روحوا يحجبوا المواقع الإباحية بالأول أنو أبدى

والله مهزلة يعني حجبوا العلم وخلوا المواقع الإباحية مفتوحة يعني يلي بدو يحجب يحجب يلي بيفسّد العالم مو يلي بيعلمون
والله خزوة

قريباً… سيحجب الانترنت أو ستصل السرعة العظمى إلى صفر

و الله يا شباب بكرا بتشوفو رح يمحولنا الإنترنت كلها و يقولوا أنن شافوا فيها مواقع إباحية كتير أمو حذفوها أنا بأكد لكم يا شباب سنة سنتين و ما بيضل شي بسورية أسمو حضارة ما أصلاً نحنا بحياتنا ما كان عندنا حضارة حتى البلدان المتخلفة فيها حضارة أكتر من بلدنا الغالي و الله يخليلنا شركة الإتصلات الي كل يوم عم تحذفلنا موقع أحسن من التاني و بتتركلنا المواقع الإباحية منشان نشوفها و بس أنا بأكدلكن يا شباب بكرا يا رح تنحذف الإنترنت يا ما رح يبقي بالإنترنت السورية غير المواقع الإباحية يعني حذفوا اليوتيوب و الويكيبيديا و الميتاكافي و بلوغسبوت و فيسبوك
إي شو هالمهزلة يا رجاءاً يا شباب كل مين بيتوفرلوا بطاقة سفر زيادة على جزيرة هولوهولو أنا بيشتريها منو و بروح لأنو أكيد عندن في حضارة أكتر من عنا

سألتني مر تي عن معنى مصطلح (الديناميكية )
قلت والله بالضبط ما بعرف بس عندي موقع أخو شاحطة
وذهلت عندما رايته محجووووووووووووووووووب
فقلتلها بكره بنسأل وزارة الاتصالات لانن اكيد حافظينو حتى حجبوه

طيب ليش عم يحجبو هالمواقع

أنا عم ادخل عليه من خلال
http://www.proxytiger.com
web4proxy.com
جربو احد هالمواقع و رح تفيدكم بكلشي محجوب

بس حدا يقلي ليش عم يحجبوهم

حسبنا الله و نعم الوكيل

برنامج Hotspot لفك البروكسي
تستطيع من خلال هذا البرنامج ان تتخطى الحجب بسهوله

شباب بدي منكن البشارة فك الحجب عن الموقع وهلأأنا عم اتصفحوا

عزيزي صاحب التعليق الأخير. لم يتم فك الحجب عن الموقع بعد يبدو أنك تستخدم الانترنت من مقهى انترنت فيه كسر للبروكسي أو ريل آيبي أو ما شابه.

مع التحية

معلش يا ريت تعذر جهلي ……
بس سؤالي انو ليش ؟؟؟؟؟
انو عنجد لماذا ؟؟؟؟؟؟
شي غريب!!!!!!!!!!!!!!!!!!!!!!!!!!!!!!!

ياشباب مو كلشي انذكر بلمقالة صحيح هو صحيح انحظر ولكن الدي اس ال موجود وسعرو ارخص من هيك بسوريا

محمد تعقيبا على كلامك .. الاي دي اس ال غير موجود في جميع مقاسم دمشق على الاطلاق لست متأكدا بالنسبة لبقية المحافظات ..

اتمنى من كل المشاركين عدم الخروج عن الحس الاخلاقي في تعليقاتهم وعدم تكبير الموضع لان الحياة لاتتوقف على شبكة انترنيت

الانترنت بسوريا جداً شيء
مقارنة بينا و بين شركة التصالات السعودية باسعارِِ
ِADSL
مع
DSL
السعودية
ADSL 8 MG:أقل من 300 ل.س
سوريا!:
ADSL 8 MG:29800 ل.س
و الحجب على أبو موزة

زورزا مدونتي لنحكي بهل الموضوع
http://adnan.sbilya.com

أنا مبرمج مواقع
أحلى شي كنت عم احكي مع واحد مصري ع الماسينجر و عم نتناقش مشان موقع بدي برمجلوا ياه
قلي فوت على الفيس بوك و شوف اذا فيك تبرمج واحد متلو ….
كلمو القصة لوحدكن

سلمات
بس خبرية صغيرة
أول شغلة الشباب يللي عندون ويكيبيديا بالسعودية ما عندون 1256صفحة بتحكي عن التمييز الطائفي بالبلد يللي هني فيا
تاني شي وسمعوا كلامي حجب اليو تيوب أهم من حجب المواقع الإباحية لأنو المواقع الإباحة ما بتعلمك كيف تساوي قنبلة,أو كيف تخترق شبكة الإتصالات الخليوية وتحكي شي 600 ساعة مع صاحبتك بكندا.
حبيباتي أنتوا.

أخي الكربم

والله تعبنا ,,,من الحجب وقصصه…
ما بقى فينا نتعلق بموقع حتى ما نخسره
مدونات مكتوب كنت قضي كل وقتي فيها حجبوها…
أنا عندس اشتراك adsl والموضوع مو صعب متل ما تفضلتوا
بحلب خلال أسبوع من تقديم الطلب كان الإشتراك الجاهز..وأنا عم استعمله حالياً..
المهم أخي
ما بعرف شو ممكن نعمل حتى نتجاوز هي المرحلة
بس الله بعين
سلامتكم

موبس الاتصالات معظم الوزارات بسوريا شغلها تخريبي وليس اصلاحي وهادا شي مؤسف الوزراء جيبوهم متكدسة بالملايين والناس والموظفين خاصة عبيد الهم

سم الله الرحمن الرحيم ((و إن الله لمع الصبرين))لا تحزنوا ولا تهنوا فإن الفرج غير اجل (اللهم اجعل للسلمين من لدنك خيرا و فرجا)

أنا زعلت كتير لانو حجبو هالموقع بالذات لانو كان مرجع ئلي بس شو الحل لحتى الواحد يئدر يفك الحجب يعني فينا نئدم طلب لوزارة الاتصالات بفك الحجب والا ما فينا لانو ما حدا برد

في حدا من الشباب قال انو سبب الحجب ممكن يكون عرض الصور المسيئة

طيب المسيئة لمين؟

بتعرفو الانترنت على علاتو بسوريا زيادة على هالطرش

لأنو اللي ما بيستخدمو بالجنس بيساخدمو ليجيب برامج للدشات تفك قنوات الجنس
واللي ما بيستخدمو للتشات

بيستخدمو للمواقع التافهة
عمي الحضارة إلها ناسها

و نحنا عالة عالحضارة

لاء و تأكيدا ع حكيي مبارحة كنت بالجامعة و جبت كتاب فيه نظرية جديدة لتوصيل الدارات بالجهود المرتفعة اسما(ماكسويل)
عصيت عليي بعض خفاياه فقلت مالي غير النت
جربت الجوجل و كتبت بالعربي طلعلي مواقع تافهة و مالا معنى
كتبتو باللاتيني و خود عمواقع شي انجليزية وشي فرنسية والمانية
كللا عم تعرض الموضوع بشكب علمي و أكاديمي لاء و بطرق مختلفة

بعدين تعا لشوف لشو بدنا ياه سريع ومتطور؟؟؟؟؟

كرمال التسوق الاكتروني ولا كرمال حجز الرحلات الجوية أو تذاكر مباريات كرة القدم أو لدفع الفواتير؟؟؟؟؟؟؟

إذا الدفش شغال و عين الله عليه

لك بيصفونا بطوابير و بس يروحو أو يرتاحو شوي بنط فوق بعضا……………

حاج يا حارتنا ديقة و بنعرف بعضنا

يا شباب دولة كانها مو دولة بتحتاج اعادة تصنيع لك موسوعة بتنحذف لك هدول بدن الشعب يضل نايم………………………………………………………………………….

راح زمن الحجب و المنع القسري الناس هي تشوف و تقرر شو بتشوف او ما بتشوف الناس عندها وعي

والله الأمر واضح إذا كانت المواقع الإباحية مفتوحة ومعروف ضررها الأخلاقي والمواقع الثقافية محجوبة هذا يظهر إننا نمشي على رأسنا وليس أقدامنا ……

الله يعينكم يا اهل سوريا على اتصالاتكم بس انا اتوقع ان هذا الشي من الحكومه عندكم فساد في الحكومه عشان كذا بيحجبو الكلام الى بيطلع ةعليهم في الانترنيت
يعني بيخافو على انفسهم من الانترنت عشان كذا مخلين لكم مواقع الاباحيه والثقافيه والعلميع والسياسيه محجوبه
احنا في السعوديه مافيه موقع محجوب غير المواقع الاباحيه اما غيرها لا ما هي محجوبه الله يعينكم

اذا كان هذا الموقع قد نشر الصور المسيئة فهو يستحق الاغلاق وليس مجرد الحجب.

ليه مستغربين ياجماعة هذه السياسة معروفة وقديمة في بلدنا الحبيب الحجب والتعتيم والمنع لكل ماهو مفيد (وبشر الصابرين )

أنا جاية متأخرة … بس ماتحملت إني أسكت .. شي بيهز البدن ..
طيب الطلاب من وين بدن يستفيدو إذا نص المعلومات والبحوث عم تجي من هـ الموسوعة !

ربي يسامحن .. ويجزاك الخير

مرحبا يا جماعة
ما بعرف ليش دائما في هجوم على بلدنا سورية
مافي شي عاجبكن فيها
أعرف أنكم ستقولون ماذا قدمت لي أو لكم؟ولكن أنا شخصيا عندما أرى وأسمع الأخبار وأرى الأوضاع في فلسطين أو العراق أو السودان أو الصومال أو دول المجاعات أودول الزلازل أو دول الاعصارات أولبنااااااااااان وما يحدث من حولنا في كل مكان من لا استقرار وفوضى عارمة ومظاهرات وتخريب وأخيرا ما أراه من تخاذل الحكام في فلطين ومصر والاردن..بعد كل هذا أحمد ربي وأشكره أني سورية بل وأفتخر أيضا..والله أنا أعرف بأنكم ستقولون عني مجنونة ونسيانة الفقر وتدني المعيشة والتخلف الالكتروني ولكن أنا أقبل بهذا كله مقابل الأمان والاستقرار الذي أشعر فيه ختى ولو كان بالزور!!! نحن أناس لا تليق بنا حرية الرأي والديموقراطية لأننا شعب فوضوي ومندفع وراء عواطفه لدرجة التهور…كالتخريب الذي أحدثه طلابنا بالسفارة الأمريكية وبيت السفير الأمريكي من زمن مضى وأيضا السفارة الدنماركية…واذا كان للمسؤولين رأيا أمنيا أو سياسيا في حجب الموقع فليفعلوا…واذا كان هذا تقصيرا أو جهلا فلندعو لبلدن بالتطور والازدهار بدل أن ننقدها داااااائما…فلا أظن ببلدنا الا أن الله قد بارك فيها وحماها من كل شيء…وبدل أن تلعن الظلام أشعل شمعة…نعم بلدنا ليس كدول الخليج ولكن بلدنا ليس خانعا لأمريكا..وأنا يكفيني هذا لأحب سورية
وانشالله مع الزمن بتصير من الدول المتقدمة بس انتو طولو بالكن…ما خربت الدنية واللي عم يقول من وين بدي أدرس فأين الكتاب من كل هذا وأين المكتبة والله أنا درست وتخرجت هندسة ميكانيك ولا فتحنا انترنت ولا يحزنزن حتى الشاطرين كل اعتمادنا من الكتب …هلأ ماااعاد في مصدر للمعلومات الا ويكيبيديا بعدين هذا الموقع ممكن ان يدخل أي شخص ويضيف أي معلومة خطأ وفيها تشويه ومااااحدا يدرى ف شلووووووووون عم تثقوا فيه مية بالمية…حااااااااااااااجة نقد للبلد

ياجماعة : سموا الاشياء بأسمائها حجب موقع إنما يتم بطلب من احد الجهات الامنية ومااكثرها عندنا وليس لاي شيء اخر وعموما هي عقلية تدل على الكيفيةلتي لا يزال يفكر بها جماعتنا رغم كل التقدم الحاصل في العالم .

ردا على حاااااااااااجة نقد
ياريت مرة تانية بس تحشري حالك بموضوع ما بتفهمي فيه تختصري لاني استهلكت وقت مشان اسمع كلام شبعت منو بالمدارس وياريتك تفرقي بين الامن والامان والاخبار الموجهة اللي عم تتبعيا صارلا خمسين سنة ماتغيرت
ونحنا هون عم نشعل شمة بس اللي متلك يحاولو يطفوا وطلعي انت من الظلام
اسف عن الخروج من الموضوع الاساسي

مرحبا
انا الويكيبيديا عم تفتح مرات عندي ومرات لاء ,وال face book شغال
بس MSN ماسنجر الو شهر مو شغال .
حدا بيعرف ليش ؟

ليش هيك عم تحكوا , كل المواقع عم تشتغل
بس حسب إذا عاملين اتصال عن طريق الجمعية
أو البريد أو شي بطاقة
ميمو من اللاذقية

لا لا لاااااااااااااااااااااااااااااااااا

استهدفوكم ,, أيها العلماء !!

سوريا بلد مليء بالعلماء والعباقرة الخدومين للعلم والمعرفة والدين .. أنتم تسببون خطرا كبيرا على اليهود و على أهدافها و أهداف الأعداء .

الحجب للويكيبيديا !! خطة ليس إلا من خطط الحد من نشر المعرفة العلم .

لك تعودنا على حجب المواقع (((الهامة))) وما بعمرنا سمعنا عن موقع جديد سوري مثل ويكيبيديا والله يجيرنا من الاعظم (بقصد بحجب الانترنت وما بتعرف يمكن يرجعونا عالحمام الزاجل ويلغولنا كل الاتصالات بسوريا) حسبنا الله ونعم الوكيل

لك شو هاد الواحد ما عاد يعرف كيف يستفيد من الانترنت والمواقع العلمية اللي فيها معلومات بتهم اي واحد فينا ….. شي بجنن وفوق كل هاد الخدمة سيئة في الاتصال والتصفح …..منيح انو بنتحمل هيك خدمة …

يااخوان ان الحكومة السورية تعيش تناقض كبير مع نفسها ومع من حولها فانت لاتعرف اهي مع الشعب او ضده مع السلام اوضده مع العلم او الجهل مع الحرية اوضدها فهي حكومة لاتعرف ماذا تريد واذا عرفت ماذا تريد لاتعرف كيفية تنفيذه كما جميع القرارات من جميع الوزارت والقوانين الصادرة دائما تكون ضد المواطن وليس معه على عكس الدول الاخرى فانت لاتعرف الدولة بيد من الحكومة ام الجيش ام المخابرات فلا احد يستغرب حجب هذه المواقع ابدا

اذا عرف السبب بطل العجب..

الحكومه السوريا بدها شعب مثل الخرفان سهل الانقياد بسبب قلت الثقافة
مابدها اسوود بالثقافة يصعب عليها انقيادهم!

و من المعروف السوريين اكبر نسبة مثقفه بين البلدان العربية فالحكومة بدها غير هيك ميشان تسهل عملية الانقياد الفكري

الله يعينكم على سياسة بلدكم

السلام عليكم انا عبدالله من فلسطين بشجع خالد على فكرته وبقول له مزيد من العطاءالحكام همي السبب في كل المشاكل وشكرا.

أنس تحيه إلك 00

والله قلبي يـقطر دمــاً لما يصير في سوريا كان الله في عونكم إخوتي ، سوريا بلد الحضارة يصير فيها هيك يغيب الناس عن ركب التطور ،

ياريت كل واحد عنده معلومه عن فك الحجب يكتبها ويشرحها بشكل مبسط ليخرج أبناء سوريا من المـأزق والحجب اللعين ، وشكراً لكم
فادي السعودية 0

السلام عليكم ورحمة الله وبركاته

شباب من عنده برنامج او اي شي يفك الحجب عن المواقع ؟؟

ياليت تساعدوني بحثت بس ما لقيت اللي ابيه

تم رفع الحجب عن ويكيبيديا العريية في سوريا منذ يوم الجمعة 13 فبراير 2009. النسخة العربية التي كانت قد حجبت لم تكن تحتوي أي صورة من الصور المسيئة للرسول محمد صلى الله عليه و سلم.

اخ ابو فارس تابع هذا البرنامج وراح تكون مبسوط ان رجعت مره تانيه ومعلش خلي الكل يستفيد على الرابط مدونتي برنامج جميل وخفيف لفك الحجب
http://hosamakras.wordpress.com/2009/02/22/%D8%B4%D8%B1%D8%AD-%D9%81%D9%8A%D8%AF%D9%8A%D9%88-%D9%84%D9%83%D9%8A%D9%81%D9%8A%D8%A9-%D8%AA%D9%86%D8%B5%D9%8A%D8%A8-ultraserv-93-%D9%84%D9%81%D9%83-%D8%AD%D8%AC%D8%A8-%D8%A7%D9%84%D9%85%D9%88%D8%A7/ ومبروك على فك حجب وبيكيديا

وشغلة تانية ADSL بمنطقه جوبر غير موجوده مع العلم انها تابعة لمحافظة دمشق وليس ريف دمشق؟؟!!
تم تخفيض الاسعار لاحقا 256 كيلو بت /ثا بسعر 1450 ليره سوريه ولكن المشكله انه لاتوجد على كوكب جوبر هذة الخدمه
يمكنكم التأكد من هنا
http://www.ste.gov.sy/?ID=82&act=view

صدمة
معقول يحجبوا هذه الموسوعة
انا عايش بالسعودية والحمد لله الإنترنت راائع جدا

صار يلي ماعنده انترنت مثل يلي ماعنده كهربا
الغني والفقير صار عنده موجود بكل بيت
لما بسافر على سوريا كتييير بتعب من الدايل اب الله يعينكم

انا زعلان لانو الفيس بوك في الاردن كمان انحجب

شكرا شكرا شكراشكرا

السلام عليكم إخواني …
شايف كثير بيمدحوا الإنترنت بالسعودية …صحيح هو ممكن جيد – إلى حد ما – بالمدن الكبيرة أما القرى والنواحي البعيدة مثل قريتي فهو بيرفع الضغط ! …

اما الحجب فنحن لسنا بعيدين عنكم يأهل سوريا ! تخيلوا مواقع رفع الملفات مثل االميجاآبلود والسندسبيس وغيرها من المواقع المهمة محجوبة ! بل حتى الكثير من الفيديوات خصوصا السياسية في اليوتيوب محجوبة …

بالنسبة للحل فالحمد الله عز وجل أنا بستخدم الـ VPN …
بيكلفني سنويا حوالي 400 ريال سعودي وشغال تمام التمام حرية مطلقة كأنك بتتصفح من بريطانيا أو أمريكا وبدون أن يحد من سرعة تصفحك بالإضافة لحمايتك من الهاكرز والسبامرز

وهذا مواقع توفي خدمة الـVPN بشكل مجاني :

https://www.ultravpn.fr وأنصحكم به بشده …

http://alonweb.com هذا جيد لكن يعطيك كمية محدودة

للمزيد راجع هذا الموضوع :
http://www.raymond.cc/blog/archives/2009/05/26/two-free-vpn-services-from-ultravpn-and-alonweb/

طبعاً أفضل شئ الإشتراك بمقابل مادي وهذه المواقع التي تعامل معها وماشاء الله قمة في الروعة والكفاءة :
consult-here.com/vpn.html
Vpngates.com

كما قلت ستكلفك حوالي 400 -500 ريال سعودي سنوياً طبعا الإشتراك مفتوح تماماً وبإمكانك تحميل أي كمية تريدها من البيانات

اتمنى اني ساعدت في التخفيف من أثر سياسة الحجب البائسة في عالمنا العربي …

وأجمل تحية للشعب السوري الصابر

اخوكم محمد من الجزيرة العربية

mzs1999@Gmail.com

لك ياجماعه شبكون والله لشعب السوري لشباب كلون طفشو ليه مبينه