AN@S Online >>>

انا بفوت على الجي ميل من الجوال بشكل شبه يومي و شغال عين الله عليه و حتى جربت اسحبه عن طريق الـ pop3 من الجوال نفسه و قدرت بس كان ترتيب الرسائل مو راكز لذلك بفتحه عادي ….

بس من 3 ايام و انا بحاول جرب مزامنة بين مفكرة المواعيد بهاتفي الجوال و غوغل كلندر ما عما اقدر لأن بيقطع الاتصال …. بس كمان بعتقد شغالة

انا بستخدم سيريتل خط لاحق الدفع و جهازي سوني ايركسون k850i

سيرياتل+ gmail + N73 أقل من عادية
ليكون ما عندك موبايل
أنا عندي خط فاتورة وبفتح الـ gmail مرة كل ساعة
أكتر من الأكل والشرب

صراحه انا عندي تتنيحه بالنسبه للhi5 and messenger بحييس انو خلص بسكر كل الدنيا بخلقتي و ما بعود بصير شي غير سحب وحدات على ابو جنب و على طنبره و خورفه
و بعدين قررت انو ما عود استخدم النت على الموبايل غير بعد ما تتطور البلد شي قرن تاني مو اكتر :]

والله يا شباب أنا كمان خطي فاتورة من سيريتل .. وبما أنو شغال عندكم لازم يشتغل عندي .. جربت افتحه .. الواجهة بتفتح بس لما بحط اليوزر نيم والباسورد بيجمد ما بيصير شي … على كل حال طالما شغال عندكم معناها المشكلة من موبايلي أو البراوزر عندي …
واتأكدت من شغلة مالها دقيقة أنا ذاكرها فوق أنو بيطلعلي ما بقدر ادخل عالجيميل لأني من بلد ممنوعة … الصحيح هو أنو ما بقدر نزل برنامج الجيميل الخاص بالموبايل لأني من سوريا بس ممكن ندخل عالجيميل عن طريق الموقع …

بيبقى بدي حدا يجاوبني بالنسبة لنوع الشبكة وهالقصص .. بيشتغل كتلفون وك GPRS ؟

موبايلي k750i نزلت برنامج للجميل وشغال تمام التمام والخط وحدات … حتى بلاقيه أسرع من النت العادي ..

عقبال ما يشتغل عندك

أخي بالنسبة لجوجل.. فليس لديها مايوجد بهاتف جوجل G1
يوجد لديها نظام تشغيل للجوالات اسمه أندرويد Android أول شركة أصدرته هي T-Mobile G1 حصريا في أمريكا وذلك اعتمادا على جهاز من شركة HTC أي أن جوجل قدمت السوفت وير فقط أي نظام التشغيل..
http://en.wikipedia.org/wiki/Google_phone
طبعا الجهاز وصل لبعض الدول العربية وعمل بفك التشفير.. وستنتج شركة HTC جهاز G2 في أبريل في أمريكا وبريطانيا وبعض الدول الأوروبية الأخرى.. ولن يكون فيه لوحة مفاتيح بتاتا اعتماد على شاشة اللمس المتعدد..
علما بان شركات كثيرة أخرى مثل إل جي وموتورولا وسامسونج وغيرهم سينتجون أجهزة تعتمد على نظام تشغيل الأندرويد..
هناك نسخة من الجهاز G1 خاص بالمطورين تبيعه جوجل لمن يشترك معها بسوق أندرويد وذلك لأغراض برمجة التطبيقات وتطويرها..

شكراً عقبة على التعليق .. أعرف بالطبع أن غوغل طورت نظام التشغيل Android المبني على لينوكس وأن الشركة المصنعة هي HTC لكنني أطلق عليه هذا الاسم اختصاراً وتجاوزاً وهذا ما يطلقه معظم الناس على الانترنت على هذا الجهاز عندما تبحث عنه في المواقع الأجنبية

شكراً على مرورك

بعيداً عن موضوع هاتف غوغل، ما بعرف اذا عندك برنامج بريد غوغل، أنا بدخل عليه عن طريق برنامجهم الـ [جافا] يا سيدي شغلة هذا البرنامج، عملت صولات وجولات لقدرت أفك الحظر وأنزله، جربه وشوفه كتير لذيذ وسريع جداً مع الـ GPRS.

هو متوافق مع كل الأجهزة يلي بتدعم J2ME.
http://aqmme2.googlepages.com/gmail-g.jar

هممم , هلأ أنا الأسبوع الماضي كنت بألمانيا و شفت الجهاز! الجهاز خارق فوق العادة , و حلو كتير بس المشكلة إنو بيعتمد على الإنترنت فيعني بدك تخسر كتير خدمات منه لأنو إنت هون ! مابنصحك حالياً فيه , بس إذا في حدا مجربوا ممكن يفيدنا فيه !
و الجي ميل شغال عندي 100% ! الويندوز على موبايلي 6.0 و البراوزر المعلون إنترنت زفتبلورر .

تحياتي
فراس

والله يا علوش رح حاول نزله وجربه برنامج الغوغل عالموبايل ..

فراس يعني قولتك الـ GPRS يلي هون ما بتخدمني متل العالم؟

والله مابعرف إذا بتخدمك أو لا !
يعني ليش لتغامر فيه ؟
شوف حدا بالوطن العربي مجربوا عل GPRS العادي ,وشوف أداؤه .

تحياتي
فراس

أخي الكريم مثلما دونت أنا سابقا ً غوغل ضد سوريا لأسباب سياسية , من ناحية الإنترنت , وخدمتهم غوغل ادسنس و متصفح غوغل كروم و و و و و ………… , أما بالنسبة للهاتف لمذا لم تفكر بـ آي فون مثلا ً لم يطرح بالسوق السورية .

مرحبا أبو أحمد …

لماذا لم أفكر بآي فون … آي فون بحسه flashy زيادة بينما تبع غوغل جدي أكتر و business أكتر … وطالما في integration كامل بينه وبين تطبيقات غوغل فهالشي بناسبني أكتر بكتير لأني بعتمد بشكل أساسي على تطبيقات غوغل من إيميل و documents و calendar وما إلى هنالك. بعدين بالنسبة إلي بكفي انو النظام مبني على لينوكس … وبكفي اسم غوغل

اعذروني أنا هلأ مصدوم .. كنت متصور إنو بدنا قرون لنقدر نستخدم هدول “الرفاهيات” البلا طعمة ..
لكن يبدو سوريا عم تتطور بخطوات سلحفاتية محسوبة ومدروسة بس ما حدا دريان ..

بالنسبة لل Google Chrome نزلته من بروكسي و اشتغل تمام,,هلأ انا ما عم استخدمه,بركي بيشتغل هاد المبدأ على الباقي,يعني ما فيك تجيبه بس فيك تستخدمه بعد ما تحيبه.
سلام.

شكرا على الموضوع

الردود وافيه