AN@S Online >>>

[...] This post was mentioned on Twitter by Anas Maarawi, Ala'a. Ala'a said: RT @anasonline New blog post: منع النقاب في الجامعات السورية: هل هو مقدمة لقرارات أكبر من ذلك؟ http://bit.ly/9pZFX1 [...]

2na ma bzn kman 2nno r7 y9eer she 3′eer hek
bs had el 7gab ylle 3m t7kee 3nno wlla mo 7gab lo b2emo bekon 27san
l2ma btshoof kl w7deh 3la 2sas m7gbeh mbenen rgleha l3nd rkbha
w znodha
tdrab he w hek 7gab

أسمع أن الحرية الشخصية هي شيء مقدس لا يمكن المساس به , لربما في بلدي لا شيء لا يمكن المساس به …!!!

لماذا لا يجتمع الأهالي ضد البنات الذين يلبسون ثياب من دون ثياب, أليست هذه المشاهد تخدش حياء الإنسان و تدفع الشباب إلى ما لا أريد ذكره الآن … , أليست هذه مصيبة أكبر أما لا … فعلاً عذر أقبح من ذنب .

ليست المشكلة بالنقاب , ليس النقاب موضوعاً للنقاش حتى , لم يبقى مشاكل في جامعاتنا للنقاش غير هذا الموضوع … !!!

لا أعلم أيوجد في اجندة وزير التعليم العالي وقت لمناقشة النقاب وأبعاده , ولا يوجد وقت للإهتمام بوضع الكليات المخيف وبدكاترة هذه الأيام . !!! , والله نيالنا فيك يا سيادة الوزير !!!

جميل جدا
لقد أعطيت القرار حجمه الحقيقي .. وكما قلت قضية قرار يمنع المتحجبات من دخول الاماكن العامة سيكون مضحكا وسخيفا جدا …. هناك أمران لا يستطيع أن تواجههما أي قوة مهما حسبت نفسها طاغية … الدين وحرمة النساء .
سلامي لك

واضح وبديهي أنه لايمكن ولن يقوم أحد بابعاد المحجبات ببساطة لأن الحجاب لايزال جزء من ثقافة المجتمع السوري وليس عادة دخيلة أو رمز للأصولية كما أنه لايمنع من التواصل بين الناس لكن النقاب يمنع التواصل ويعيق العملية التربوية والتواصل بشكل عام كما أنه ليس جزء من الثقافة السورية الحالية المعاصرة وبالأساس هو عادة دخيلة وليس فرض ديني وأساسا النقاب لم يمنع القرار يحد من دخول المنقبات إلى المؤسسات التربوية لما في ذلك من إضرار بعملية التواصل الأكاديمي و العلمي يعني كل يمكن أن تكون زميلتي أو مدرستي أو الطالبة جزء من الحلقة التعليمية إذا كانت محجوبة عنا بالكامل و لانعرف أي رد فعل من ردودها ولانتواصل معها داخل الصف التعليمي وللحقيقة القرار برأيي رغم أهنه سيظلم بعض النساء حاليا لكنه سليم لأننا نعاني الأمرين من المنقبات أتذكر كيف أصرت إحداهن أن لاتجلس في المقعد المقابل لي قال قد وفي لحظة أسترق النظر لوجهها فألتقط معلما منه أو أتهيأ معالم وجهها .. ومن هذا الكلام الذي يعكس قباحة تفكيرها وتطرفه .. إضافة لعمليات الغش التي يقمن بها ( طبعا ليس كلهن ) وأتذكر تماما كيف كان بعض الشباب يقوم بارتداء النقاب ويدخلن الغرف الخاصة بالطالبات في المدينة الجامعية ومن هذا الكلام الذي يسببه حجب الوجه بكامله ..
وبالنهاية أستغرب أن تصر إحداهن على مخالفة الشرع واعتبار أن الحجاب ليس الفرض بل النقاب وتصر على ارتدائه دون احترام للمكان الذي هي فيه .. يعني ببيتها تلبس بس في الجامعة لازم تحترم الآخرين و تلتزم بالحجاب

ونسيت كمة كمان للتعليق السابق الذي يقول عن حرمة لدين و النساء .. إن الظن بأن هناك من سيقوم بمقاومة الدين أو الخصوصية النسائية هو كلام بعيد عن الواقع ولايدور بمخيلة أحد إلا بمخيلتك على مايبدو

أخي أنس
منذ أن قرأت الخبر في موقع سيريانيوز كتبت تعليقاً يماثل ما وصفته حضرتك بالفقرة التالية:
“يا للروعة! أهالي يجتمعون و يتفقون على شيء واحد في سوريا؟ ووزير يستجيب لمطالبهم فوراً؟”
وخصوصاً عندما قرأت جملة أثارت حفيظتي وكرهي وهي: “الظاهرة التي تتعارض مع القيم والتقاليد الأكاديمية ومع أخلاقيات الحرم الجامعي”
الجدير به أن يقوم بإيقاف جو الكازينوهات في الجامعات والفتيات الشالحات ليتحدث عنددها ويذكر كلمة أخلاقيات

الموضوع أكيد موضوع أمني كما اعتدنا في هذا البلد المعطاء

وأختلف معك في قضية واحدة هنا وهي تحدثك عن التخطيط
الأمر يا عزيزي في الأمور الأمنية دائما ما يكون مخططاً له لأيام طويلة وسنين وليس كمثل أي أمر آخر في سوريا

هنن حطو الاهالي ببوز المدفع وقالو بوووووم

بعدين كأنو ما عم يتطبق هالمنع لان اليوم كنت بالجامعة وشفت اكتر من منقبة ، عموما هالشبر قماش ما رح يخرب الاخلاق ولا رح يعيق العملية التدريسية والقضية برأيي اكبر من هيك … وشغلة الاهالي انا شخصيا ما اقتنعت فيها

لا أعرف هل نتواصل مع الشخص عبر كلامه أم وجهه فالنقاب لا يحجب عنا الكلام و لا عن مرتيديته.
هل الفرض النقاب أو الحجاب هذا يرجع لما تؤمن به المنقبة/المحجبة بناء على ما ورد من كتاب الله و سنة رسوله صلى الله عليه و سلم و الرجوع لأهل العلم في فهم ما ورد في كتاب الله و سنة رسول الله صلى الله عليه و سلم.

شباب حدا قرأ ها الخبرية

http://www.aljazeera.net/NR/EXERES/CC02FF5D-B1BF-483D-B001-4F6E302A73A6.htm

http://ara.reuters.com/article/worldNews/idARACAE66G0H320100717

يعني هي القضية كونك إنتا علماني فكرا ومنهجا ، وكونك بتعتقد – مجرد اعتقاد – النقاب مسألة تطرف وتشدد هادا شي بيخصك ما حدا بيمنعك منوا ، وبنفس الوقت كمان .. ما حدا بيمنع المرأة تلبس النقاب وتختار طريقة اللبس اللي بدا يا .. لأنوا بتضل المسألة حرية فردية وحرية اختيار بتكفلا لها مبادئ العلمانية التي بتضع على رأس أولوياتا حرية الرأي والفكر والاعتقاد ، وطالما أنوا المسألة بتضلا في إطار حرية الاختيار الفردية اللي بتضلا في إطار ما بين العبد وربوا ..
إنتا علماني عراسي .. بس بدك تكفل حق الاختيار ، كونك بتشوف ها الشي تطرف وتشدد خاص فيك ، لكن لا تلزم غيرك بوجهة نظرك ، وما بيحقلك إلزامو بتبني واختيار فعل محدد.. إذا كنا فعلا بدنا كون علمانيين متل ما هو معلن بسوريا..
بس بعتقد أنو المسألة بتضلا أكبر من هيك.. وبمسحة عقدية واستحضار خلفيات وسوابق بيتبين أنو القضية مجرد خطوة أولى.

لماذا نتصارع على الحجاب والتقدم يأكلنا والتأخر يقتلنا ؟
أعتقد أن الحجاب محدد فى ما يلى ولا داعي للثرثرة حوله فالصورة التى توضع على البطاقة للتعريف بالمرأة مكشوفة يراها رجال الأمن فى داخل البلاد وخارجها ولو كانوا أجانب ،، والبصمات تطبع عند إدارات الأمن أو فى الإدارات المختصة بعد أن تزيل المرأة المحجبة قفازيها أو ما يستر أناملها المغرية ..
ولنا فى الراقصات العربيات المسلمات والممثلات المسلمات والمحاورات المسلمات والنساء السياسيات والحاضرات للمؤتمرات أهم دليل على أننا نغالط اذواق المرأة التى تعرض مفاتنها لتسيطر على الرجال منذ أقدم العصور ..
ولا يخفى علينا أن الرجال يمنعون تقبيل عوائلهم من النساء والكشف عن عوراتهن أمامهم وهم يحبون سرقة النظرات الخفيفة من جمال المرأة والتفرج على تقبيل الممثلات اللواتى لا يخجلن من أسرهن ..
الحجاب صيانة المرأة لنفسها فقط وما ذكر الزمى فى الكتب السماوية إلا دليل على أن التحجب يكون فى الإيمان بالشرف والحفاظ على البكارة التى خلقها الله حماية للمرأة التى إن فقدتها عن خاطر وبدون شرع كانت زانية فالبكارة هي الحجاب إن فضت فى زواج فقط

مرحبا للجميع
صرلي فترة بدي علق على هالموضوع، وهلق اجت الفرصة.

هلق نحنا متفقين أنو هاد الوزير شغلتو فاضية (وبين قوسين، عم يعمل هيك على كيفو) بس إذا كان شخص سيء عم يعمل

شغلة مو ضروري انو يكون الشغلة يلي عم يعملها سيئة.

أنا شخصياً مع انو يتم منع النقاب (حتى الحجاب) بالجامعات وبالمدارس وحتى المشي بالشارع. وهلق رح اشرح

السبب.

أول الشي موضوع انو لبس النقاب حرية شخصية، أنا مع هالشي، بس الحرية الشخصية بتنتهي لما بتلش حرية غيرك. يعني

بصراحة، منظر البنات مغطايين من فوق لتحت بالأسود منظر غير طبيعي البتة، متل واحد مستحي فيها ورايد يخبيها. وفيو

سلب من انسانية المرا وشخصيتها ووجودها بشكل كبير.
يلي بدو يقول انو هنن عم يحطو للنقاب بإرادتهن فهالأمر كمان غلط… لأنو مو ضروري واحد يجي يحمل العصاية ويقلهون

“حطو نقاب” لحتي يصير الموضوع اجباري. ضغط المجتمع وضغط العيلة وضغط العادات والتقاليد مسيطر. وأنا متأكد

100% انو لو بيروح ضغط العيلة، وضغط الرفقات، وضغط المجتمع، 99.9% من البنات يلي بيكونو ما صرلون حاطينو

(للنقاب أو للحجاب) غير شي سنة، بيشيلو ضغري. أما بعد هيك بيصير عنا موضوع العادة على شي معين، وهاد صعب

كتير يتغير مع مرور العمر. متل فكرة أنو واحد متعود يلبس جينز من لما كان صغير لحتى صار عمرو 50 سنة، رح يكون

صعب عليه بعدين أنو يلبس بدلة أو شي رسمي.

طبعا الفكرة السائدة، أنو بيدون النقاب (يلي بيقول أنو النقاب ضروري) أو انو الحجاب (بين يلي بيقول انو الحجاب

ضروري) انو ازا ما حططو المرا على راسة رح تصير فاسقة وتصير سبب في فساد المجتمع، هون في نقطتين:

1- انو والله ما تحط المرا نقاب (أو حجاب)، مو يعني انو تطلع بالميو، في شي اسمو وسط، وعلى أساس الإسلام دين

الوسط مو؟

2- ازا الذكر رح “ينثار” من شعر المرا بس فللأسف أن بدي قول أنو في مرض بالموضوع. ازا منا ناخد على

هالحكي، حتى الصبيان يلي بيطولو شعرون، لازم يتحجبو…

ما بدي بعد كتير عن الموضوع الأساسي، وهوة قرار المنع. نحنا منعرف انو سوريا دولة علمانية، وكونها علمانية، فالمفروض

انو ما نلاقي صعوبة كتير بتلقي هيك قرارات. حتى أكتر من هيك، بس الفكرة انو الكل بفكر بالموضوع من وجهة نظرو هوة،

من كيف بيفكر هوة.

أنا رأيي أي تعليق على هالقرار، أو هالموضوع كلو بذاتو، لازم ما يطلع من خلفية دينية. خلينا نفكر شوي بصورة أبعد لشو

هية خلفيات السماح بالنقاب بالجامعات وبالامكان العامة:
1- ممكن أي حدى يحط على راسو نقاب ويروح على الفحص على أساس مرا (ممكن تكون غير مرا تحت النقاب)

وخلي أي مراقب رجال ابن مرا يخليها تشيلو للنقاب لحتى يتأكد انو هية نفسها بالصورة تبع الهوية الجامعية. طبعا أنا بعرف

انو الجامعات شغل فشل، وانو مارح توقف على شغلة الإشارب. بس الفكرة بتضل قائمة، ووجود الغلط بكثرة مو يعني انو

ينغض النظر عن الأخطاء الصغيرة.
2- بصراحة، التعامل مع البنات المنقبين صعب، يمكن هي مشكلة شخصية، بس أنا ما بعرف شلون الواحد لازم يتعامل معها

بالاماكن العامة (دوائر الدولة أو الجامعات مثلاً). تخيل تكون آنسة مدرسة حاطة نقاب! يعني ما عم احسن اتخيل كيف

ممكن تعطي درس للطلاب! خلص يجيبو مسجلة أحسن! بالنسبة الي نفس الشي عالمحجبات (مارح ادخل بهالموضوع

هلق).

بالأخير، يلي عم يحكي عالأخلاق، برأي انو الموضوع لا يمت بصلة للأمر، النقاب والحجاب هنن أحكام ذكورية على المرا

وخلقت من التزعزع يلي بيصيب الشخصية الذكورية. وأكيد هوة عادة مستوردة عن دول الخليج (يلي كانو بيحطو مشان

الرمل منزمان، بس لسبب ما تحول لرمز ديني وآخد الكل في).
الحفاظ عالأخلاق بعمرو ما كان بالمنع، وما حدى بيعلم أبنو أنو ما لازم ياكل كتير شوكالاتة مثلاً بأنو يخبيها عنو، لأنو بعدين ازا

صدف بحياتو وشاف شوكولاته محطوطة بدون مراقبة ما رح يحسن يقاوم وكل رغبتو بالأكل يلي مخبيها بحياتو رح تطلع معو

هلق، وهاد برايي السبب يلي بيخلي بعض الشباب (وخصوصاً يلي بتكون خلفيتهون فيها نوع من الضغط) بأنو ينحلو انحلال

أخلاقي مو طبيعي. طبعا موضوع الإنحلال الأخلاقي كمان موضوع لحالو وكبير ولازمو تحديد. بس الفكرة أنو إزا البنت

غطت شعراتها أو وشها، هاد ما بيعني أنو نصانت عفتها ونحفظط كرامتها، بالعكس تماماً.

أكيد الموضوع مو بهالبساطة الحكي عليه وحلّو (نظراً لأنو أعداد المحجبات والمنقبات كبير كتير). بالنهاية كل واحد حر،

بس متل ما حكيت بالأول، الحرية الشخصية بتنتهي لما بيبلش فيها اعتداء على حرية التانيين.

يجيب أحد المعلقين بأن الفريضة تختلف وفقا لما يؤمن به الشخص يعني هل مسألة الفريضة مزاجية بناء لكل شخص حسب ماهو يرى ؟؟ هذا كلام غير صحيح والنقاب ليس فرضا .
يجيب أحدهم أيضا شبر هل القماش مابيقدم و لابيأخر إذا أنا معك تماما لماذا تتمسك به المنقبة مدام مابيقدم و لابيأخر .
أليست صورتها على الهوية موجودة بالحجاب و إذا أراد الأمن الجامعي التأكد من وجهها عليها أن ترفع النقاب و تبقى بالحجاب حسب ماهو موجود على هويتها للتأكد فلماذا تصر ألا تبقى بالحجاب وتريد النقاب
السؤال لماذا كل هذا الاهتمام و الدفاع عن النقاب ولا تقولوا دفاع عن الحرية الشخصية لأنو حجة واهية فإذا كان حرية شخصية عليكم ألا تنتقدوا إذا اللباس القصير …
معظم من يدافع عن النقاب هم من حلب أو مناطق لايزال فيها النقاب عادة أو من بعض المتشددين من بقية المدن
المحور الأساسي هو هل مابعد القرار هناك قرارات أخرى أو هو مقدمة لقرارات أخرى طبعا لا وواضح ذلك
غريب غريب كيف يريد المتشددين تشويه الإسلام واختزاله في الشكليات كالنقاب بدلا من الاهتمام بعدالته و يسره وعدله ومساواته يريدون تحويل الإسلام واختزاله في نقاب و شكليات ليست من الإسلام بشيء نعم المتشددون و الأصوليون هم أعداء الإسلام الحقيقيون لأنهم يشوهونه وفق أجندة مسبقة مدفوعة ومقبوض ثمنها

لا ادري اين يسير العالم الاسلامي ولكن نسأل الله ان يحفظ علينا الدين وما تبقى منه

اولا القرار هو ليس منع الحجاب وانما منع النقاب وهذا امر جيد جدا دون الغوص في خلفيته السياسية التي هي نتيجة التعاون المشترك مع السوق الاوروبية وايضا هي خطوة ايجابية على صعيد المجتمع السوري
هل احسست يوما بان المنقبة تملك شخصية ؟
لان ليس لها وجها او شكلا فجميعهن متشابهات
فيها تبقى خيالية وايضا رمزا للتخلف والانصياع للقوانين الذكورية المستبدة
لماذا لم يمنعوا الحجاب مثلا

بريطانيا دخلت عالخط وأعلنت رفض حظر النقاب متل ما جاء بالرابط الفوقاني.

هلأ أسباني دخلت كمان الخط وبترفض حظر النقاب
http://ara.reuters.com/article/worldNews/idARACAE66J0W920100720

باختصار ، لأنن ناس علمانية – ولو بالظاهر – وبيحترموا شعوبن وأعطوا الإنسانية حقا = استطاعوا يتقدموا ، والله يرحم الشعوب العربية المدعوسة

والله هيك يبعتلنا جورج غلالوي مسلم
http://www.al-sharq.com/articles/more.php?id=201137

معليش إزا بيسمحلي إخي أنس ادخل عالخط وبدي حاكي كزا واحد من الشاب وكلنا مستفيدين
حبة عيني الرجل الخفي
يعطيك العافية
هلأ راح أختلف أنا وياك بموضوع اللي هو تحديد معايير تداخل الحريات ، إنتا هلأ بتعتبر أنو منظر المنقبة بالشارع مؤذي بنظرك ، طيب مافكرت أنو منظر اللي بتمشي بتياب بدون تياب بالشارع مؤذي بنظر الآخرين.. طيب ليش ما كمان تتمنى أن تفرض على المرأة قيود باللبس ما تتجاوزها مشان ما نشوف مظاهر ( سفورية ) بالشارع.. أما إزا كنت ما بتعتبر ها المنظر مؤذي بالنسبة لك فهون بيتبين أنو المسألة نسبية من شخص لآخر ، وبالتالي إزا كنت بتعتبر مظهر المنقبة مؤذي لعيونك الكريمة فلازم تاخد باعتبارك أنو المسألة لا تعتبر بها الشكل عند شريحة أخرى تخالف نظرتك ، وكما أنك بتشوف أنو منظر اللي بتمشي بالشارع بتياب بدون تياب مظهر عادي لا يستجلب الأذى ، فلازم تاخد باعتبارك أنو المسألة تعتبر عند شريحة أخرى مؤذية ومقززة لشريحة أخرى من الناس ، مشان تكون ليبرالي عنجد.. فالمسألة إذاً نسبية
طيب هلأ لو افترضنا طلع علينا ناس وقالوا يا خي هاي الشغلة اللي مأنبزة بنص وجهك اللي هي الأنف مانا فايتى مخي ، ياخي منظرا مقزز وبدنا نزيحا لأنو منظرا مقزز بالنسبة لنا.. هيه يللا بقى قوم حلا بين الناس وكل واحد بيطلعلوا بفنة جديدة وما راح تلخص من تفاوت أذواق الناس
إزاً مرة أخرى ، المسألة نسبية لاختلاف وتفاوت الأفهام والنظرات بين الناس.. طيب مين اللي بيكفل ها التفاوت والاختلاف .. هي الليبرالية الحقيقية .. طبعا الغرب لأنوا بيفهم الليبرالية عأصولها وبيطبقها ولو ظاهرا شوف ردات الفعل اللي طلعت من بريطانيا وطلعت من أسبانيا ..لأنن ناس بيفهموا الليبرالية صح
الشي التاني حبيبي الكريم ، اعتبارك أنو ما في سبب مباشر يجبر المرأة علبس النقاب ، وأنو القضية ضغط عادات وتقاليد .. إلخ إلخ ، ها الشي حبيبي ما بيفيد وكلا تكهنات وظنون.. نحنا لو بدنا نطبق الليبرالية صح ، بنعتقد إنو كل إنسان إلو حرية فردية مستقلة ، بناء عـ ذلك لو في أي شخص بتتعرض حريتو الفردية لاضهاد خارجي من أي كائن ، فمطلوب منو مباشرة الذهاب لأي جهة تظلم وشكوى مشان يضمن حقوا وحريتو .. فقط ، أما قضية افتراضات وتكهنات هاي راح تفتح علينا بواب طويلة عريضة ما راح ننتهي

Sipano612
في شغلتين هلأ حبيبي بكلامك بدن تصحيح ، أول شي بدك تعرف أنو بقضية تسريح 1200 معلمة الأخيرة ، التسريح كان لمنقبات ومحجبات ، وروح وراجع أكتر من خبر بالموضوع وشوف ، إزاً المسألة مو بس عا النقاب فقط ، المسألة أكبر !
تاني شي حبيبي..
اعتبارك للمنقبة لا تملك شخصية
أقول.. هل هناك شخصية أقوى من شخصية المنقبة اللي بتجعلا تمشي بالشارع بين مجتمع لا يلبس النقاب أو حتى الحجاب كمان ، واستطعات بشخصيتا كسر ومخالفة كل ها النمط من الناس وتمشي بين هيك ناس.. بدك شخصية أقوى من هيك !!
بتعرف ليش شخصيتا قوية، لأنو هي بتعتقد بقرارة نفسها عم تؤدي فريضة ( دينية ) فرضت عليا من رب العالمين واستطاعت كسر رغبة نفسها وعادات وتقاليد الناس وتمارس حياتى بشكل طبيعي
يا ناس يا عالم ، بس كلمة وحدة ، اضمنوا حرية الأفراد وحرية كل واحد من الناس وطبقوا الليبرالية صح إزا بدكن الشعوب العربية تتقدم .. سلام

الله يسامحك يا أخ أنس ليش ما طلع الرد الأخير

شباب..

رأيي الشخصي وبعيداً عن موضوع النقاب وحساسيتو اللي ماعم اقدر افهمها. الخبر ببساطة برأيي مرتبط بالفضايح اللي أكلتها الجامعة السورية مؤخراً وخاصة بالسنة الماضية. إحالة دكاترة عالتحقيق، فضايح جنسية، شبكات غش شي على كيفك وفشرت المافيا، وكلو طبعاً بالإضافة للنظام التعليمي والإمتحاني المتخلف. سمعة الجامعة السورية صارت بالأرض. الحل الوحيد بهيك حالة إنو يجي صاحبنا الوزير وينكش قصة دينية مثيرة للجدل متل النقاب ويمنعو بالجامعة. العالم كلها بتصير بتحكي بالقصة وماحدا بقا منتبه على موضوع الفضايح. خاصة إنو موضوع مرتبط باوروبا ومشاكل النقاب وغيرها.

ياريت نتجاهل الموضوع الخاص بالنقاب ونركز على موضوع الجامعة. ولاتخافو جماعة النقاب مدبرين راسون ومو سائلين، خاصة إنو هنن أقلية بسوريا.

@عيشمايو:
انا بالعادة ما بحب ادخل بهيك نقاشات، لأنو وبصراحة، نهايتها دائمة مسكرة. لا هاد رح يقتنع ولا هاد رح يقتنع، بس حبيت علق على كم نقطة حسيتك فهمتهون غلط عليي بتليقي، فهاد بس توضيح:

1- أول الشي، باين من نبرة كلامك، والألفاظ يلي عم تستخدمها (حبت عيني، وحبيبي الكريم، عيونك الكريمة، ، مأنبزة بنص وجهك، الخ…) انو الموضوع اخدتو شخصي. الفكرة هون، انو بتمنا يكون ردك متل ما حكيت بتعليقي الأول من وجهة نظر عامة. ودون أي حساسية.

2- لما أنا قلت:
“بصراحة، منظر البنات مغطايين من فوق لتحت بالأسود منظر غير طبيعي البتة، متل واحد مستحي فيها ورايد يخبيها. وفيو
سلب من انسانية المرا وشخصيتها ووجودها بشكل كبير.”

قلت كمان بعدها:

“انو والله ما تحط المرا نقاب (أو حجاب)، مو يعني انو تطلع بالميو، في شي اسمو وسط، وعلى أساس الإسلام دين
الوسط مو؟”

يعني ليش العالم مفكرة انو متى ما الواحد قال النقاب أو الحجاب مو ضروري وانو منظر مسيئ، ضغري بفكرو انو عم يقول انو المفروض تطلع البنات بالزلط؟! مين قال هيك!؟ والله ما قلت هيك! وبصراحة الموضوع مزعج بيصير بعدين!

انته قلت: “وكما أنك بتشوف أنو منظر اللي بتمشي بالشارع بتياب بدون تياب مظهر عادي لا يستجلب الأذى” طبعاً أنا ما قلت هيك شي أبداً، وهاد الكلام استنتاج غير ناجح من طرفك. أنا ضد التعري “إذا كان هاد أصدك” وضد أي نوع من لبس الثياب المثيرة بالأماكن العامة، لانو بشوف بهالشي نوع من الإمتهان لجسم المرا. وكمان بذات الوقت، مفروض عليها من قبل المجتمع ومن قبل الذكر بهالمجتمع كرمال تصير “أحلى” بالنسبة لألو.

بدك تحاكيني على موضوع الشخصية القوية؟
الشخصية القوية على عيني وراسي. بس مو بالشكل يلي انته عم تقولو.
لأنو على هالحالة، ليش ما بتسمي البنت يلي بتطلع بالسعودية لابسة شورط أنها قوية الشخصية كمان؟ طبعا الكل بيقول انها قليلة أدب وعقلها مغسول بالثقافة الغربية. هون طبعا متل مو واضح، في ازدواجية معايير. لأنو لما أنا بقلك أنو البنات المنقبين والمحجبين مو بقرارون أبداً، انته ضغري قلت: لاء.

انته قلت انو الكلام تبع انو البنات مضغوط عليهون وعلى قولتك ” .. إلخ إلخ” وانو ما بيفيد هالكلام وكلها “تكهنات وظنون”. طيب ليش ضغري عم تستبعد هالموضوع هاد وما عم تعطي الأهمية اللازمة؟ يعني نحنا منحكي انو في نوع من غسيل الدماغ بالإعلام الغربي وفي نوع من التركيز على امتهان البنت وتجريدها من انسانيتها تحت غطاء انو هية حرة وانو هية مسمحلها تساوي يلي بدها ياه.

ليش ما نقول انو في شي من هالنوع عنا كمان؟

انته بتعرف انو في أمهات وأبهات بتمارس على بناتها لما بتكون (برأين صار وقت تحط الحجاب أو النقاب) أنواع من الضغط مو طبيعية؟ من “أنو الحجاب بيخليكي تصيري مرا متزنة” وأنو “أنا بدون حجاب بدي ضل زعلان منك” وأنو “اختك احسن منك لانو حطط الحجاب” ومن هالحكي؟ طبعا دائماً العمر يلي ببلش في هالحكي هوة عمر المراهقة، يلي على أساسو بيتحدد تفكير البنت طول عمرا (إلا بحالات خاصة جداً) بس بشكل عام، بتكون البنات بهالعمر (وخصوصي عنا) كتير سهل التلاعب فيهون واللعب على عواطفهون. لأنو لسع مفكرين بيكونو أنو مثلأً: أبوهون وأمهون دائماً صح، أكيد في أفكار تانية كتيرة كمان بتكون سهل التلاعب فيها.

انته بتعرف انو في نسبه كبيرة من البنات المحجبات أو المنقبات، بفكرو انو الشباب ما بينجوزو غير المحجبات. وأنا شخصياً سمعت هالكلام من أكتر من بنت. أكيد هون الحق على الشباب، لأنو فعلاً ممكن يكون هاد الحكي فيو نسبة من الصحة. بس الفكرة هون انو تشوف أديش ضغط المجتمع كمان مؤثر. طبعاً هاد عدا عن الفكرة يلي مسيطرة انو البنت لما “ما بيجي رجال وبيضبها” بيصير حقها فرنك.

اساسأً على موضوع النقاب وموضوع الشخصية. الشخصية هون لازم تاخدها بالمعنى الحرفي، يعني بمعنى آخر هوية.
أنا بدي منك تقلي شو هية الطريقة يلي بتعرف منخلالها مين هية البنت يلي تحت النقاب مين هية من بين شي 10 بنات؟

وعودة الى موضوع قوة الشخصية، أكيد الموضوع في قوة شخصية، بس نفس الشي فيك تقولو بالغ راشد، لبس أواعي سبايدر مان وراح ويروح فيهون على شي مكان عام، بدون أي سبب، غير أنو بيحبو كتير! كمان هاد بيطلب قوة شخصية. بس مو يعني انو لازم نقبل في!

وعلى موضوع “تطبيق الليبرالية صح” متل ما انته عم تطالب انو المرا يكون مسمحلها تغطي حالها بالكامل (لأنو على قولتك، هيك هية بدها). أكيد رح تجي مرا وتقول انا ما بدي غطي شي من جسمي وأمشي بنص الشارع. على حكيك: المفروض ينسمحلها! واللا كيف؟ كيف أصدك ليبرالية صح؟؟!!
هون منرجع للفكرة الأساسية، وهية أنو كلشي زاد عن حدو ألب ضدو… وأنا رأي لبس الحجاب أو النقاب هوة على نفس الدرجة من التطرف من لبس الأواعي الداخلية والمشي فيها بالشارع، بس بالإتجاه المعاكس.

بالنسبة للمثال يلي ضربتو عن موضوع ” الشغلة اللي مأنبزة بنص (وجهي) اللي هي الأنف” (بصراحة تضحكت كتير بعد ما قريت هالسطر ) ما بعتقد انو في حاجة احكي شي لانو اكيد بعد ما كبست “أرسل الرد” بين معك وين الغلط بمثالك هاد، وانو الموضوع ما في مقارنة أبداً. إزا بدك قلك رايي بالمثال فأنا ما عندي مانع بالتعليق الجاية

شكراً

Salam dear friends,
I would like to share with you this debate.
I really agree that it’s not a good idea to impose a certain idea on the society, specially in Syria due to the complicity in its religious society.
I just would like to ask all those people who are defensing the NIKAB’S idea.
Is it really, wearing the NIKAB, related to the Islamic dogma!!
Do you friends feel comfortable to deal with those girls who wear the NIKAB.
Are all of them satisfy with the NIKAB!!
My personal experience, when I was a student in Syrian universities, tells me that more than 90% of my friends who wear the NIKAB didn’t like it, but their families or fathers imposed the NIKAB on them. Why we do think that a woman is a taboo!!
She is a human being and she likes to be a normal person who takes lead in the society. So, dear friends, I suggest to you to go further and discuss this problem from the roots and try to think why we wear the NIKAB and who we can improve the women activity in our Syrian society.

الحقيقة أستغرب هذه المخيلة الخصبة لدى المدافعين عن النقاب وكأن الحياة اقتصرت على الجنس ولا قيمة فيها إلا للجنس ولا يرى بالمرأة الجدة الأم والأخت والإبنة والزوجة والجارة إلا أداة للغرائز ويبدو أنهم بحاجة للعيادة النفسية لتخفيف وطأة مخيلتهم وما يؤكد ذلك هجومهم على الغير منقبات وإتهامهم بالفحش وعلى ما يبدو أن السبب هو حرمانهم من إعمال مخيلتهم المتخصصة بجسد المرأة ومايأملون منه والحجة الدين الإسلامي الحنيف والوسطي وينسون أن الأصل في الدين الإباحة وما الحرام إلا ما حرم الله تعالى وأركان الدين خمسة فقط وما عدا ذلك تفاصيل وإذا كان النقاب يحتمل الإستخدام المضر بأرواح وممتلكات الناس فيجب منعه ليس في الجامعات فقط وإنما في جميع الأماكن العامة كي لايكون ثغرة لضعاف النفوس والجرمين والمتطرفين التكفيريين

بس عندي تعليقين سريعين حول كلام الرجل الخفي:

أنا بحترم وجهة نظرك وبشاركك بالرأي بالنسبة للنقاب وأنا شخصياً ضد النقاب ولو أنو بعتبره حرية شخصية.
لكن أنت بتذكر أنك حتى مع منع الحجاب. أنت عم تذكر أنو بتنتهي حريتك لما بتبلش حرية الآخرين وأنو المرأة يلي لابسة النقاب بتكون عم تعتدي على حرية الآخرين بشكل من الأشكال. خلينا نفترض أنو هالكلام صح بس أنا مالي شايف أنو كمان الحجاب العادي بتكون المرأة المحجبة عم تعتدي بارتداؤه على حريتك وبالتالي لازم حريتها تنتهى عند هون. بتمنى توضح هالنقطة وليش أنت مع منع الحجاب كمان بالجامعات والمدارس وحتى المشي بالشارع.

أنت عم تقول أنو اذا الذكر رح ينثار من شعر المرأة بس انو معناها في مرض بالموضوع. هاد صحيح .. أنا معك بهالكلام بس كمان فينا نطبق نفس الحكي عن الذكر يلي رح يتضايق من مجرد مظهر الحجاب العادي. كمان برأيي هيك مو طبيعي.

بالنسبة للنقطة يلي ذكرتها أنو سوريا علمانية. أنا مالي متأكد أنو سوريا علمانية أو لا. بالنهاية الدولة بتستمد طابعها العلماني أو الغير علماني من طبيعة شعبها وتفكيرهم ونحنا لا فطرة شعبنا علمانية ولا قوانينا علمانية. راجع الموضوع التالي للمزيد من المعلومات:
http://anasonline.net/2008/12/%D8%B9%D9%86-%D8%B3%D9%88%D8%B1%D9%8A%D8%A7-%D8%A7%D9%84%D8%B9%D9%84%D9%85%D8%A7%D9%86%D9%8A%D8%A9-%D9%86%D8%AA%D8%AD%D8%AF%D8%AB/

سلام

انا ولا مرة حكيت مع وحدة منقبة ولابعرف ليش بيلبسو هيك او اذا هنن مرتاحين هيك لانو غالبا بضلو لحالون..
وغريب كيف قلب معكون الموضوع سياسة؟

لماذا اذن نسكت ولا نقوم نحن بحملة مضادة ونقول لا للعرى

ونطالب اى وزير ان امراتة او بنته لاتزعجنا بشكل شعرها ولا تزعجنا بشكل ساقيها فى الشارع
ولو تلفهم فى جبس ارحم للمارة من رؤيتها ولماذا الوزراء هؤلاء يريدون منا ان نتأمل
فى عش الدبابير على رؤس نسائهم لماذا يفرضون علينا ان نرى نسائهم وكأنهن قد خرجن للشارع من غرفة النوم ونسوا أن يرتدوا ملا بسهن

نريدها مساواة بيننا وبينهم ونطالب بمنع العرى لانه ليس من عادتنا فى اكتظت الشواطىء فى كل الوطن العربى بلا استثناء بالعرى والنساء على الشواطىء شبة عاريات

اليست هذة ضد القيم والاخلاق التى نشانا عليها ام انهم يفكرون حسب رغبتهم فقط

لو ان منتقبة تدخل الجامعة وبجوارها فتاة شعرها يطير فى السماء وذراعيها مكشوفان
ومن الركبة الى اسفل مكشوف سوف يسمح للثانية بدخول الجامعة والمنتقبة ممنوع

انهم ياتون باحكام تكاد السموات والارض يتفطرن منها وتخر الجبال خرا

فلولا الموحدين الربانيين لقامت الساعة اليوم قبل غدا

والساعة فعلا سوف تقوم على اشرار الناس وهؤلاء مثال لذلك

فمن يمنع النقاب بجهل ولا يمنع العاريات فى الشوارع فقد افترى على الله

ولسوف يصلى عذابا كبيرا

والله لو تنقبت هيلرى كلينتون ليقابلها هؤلاء الرؤساء والوزراء منحنى الرؤس ويقبلون التراب الذى تمشى علية

لانهم حينذاك يعلمون ان نقاب هليرى كلينون شىء عادى وحضارة ورقى طالما اتى من الغرب

اما من الشرع والا سلام فلا والف لا لهؤلاء الضعفاء الدين والنفس

فقد فعلها ابوجهل من قبل مع الصحابيات ومع سمية ام عمار حتى ماتت واستشهدت فى سبيل الله ولم تتخلى عن موقفها وهذا ليس غريب من جهلاء اليوم

فلتقف الامة الاسلامية وقفة رجل واحد ويرفعون ايدهم ويدعون على كل من يحارب النقاب

بالوباء والبلاء

وانا لله وانا اليه راجعون

@AN@S:

1- على موضوع انو النقاب حرية شخصية، انا بوافق على هالشي لو كان الناس بيقبلو بأنو يكون التعري (الكامل أو الجزئي) حرية شخصية كمان (طبعاً أنا أول المعارضين). بس انو الواحد ممكن يقول يصطفلو لما بكون الكل موافق على هالشي وبيقول الواحد انو ممكن هالموضوع يضمن حريات تانية مستقبلية.

2- على موضوع الحجاب، أنا متل ما حكيت بالتعليق أنا حتى مع منع الحجاب، يمكن كان لازم ما قول منع، كان لازم قول إلغاء، بس بصراحة هدفي الحقيقي هو التوعية بالمدارس بكل الصفوف أو (كونو التعليم عنا كلو فشل) بشي طريقة معينة، سواء تلفزيون أو غيرها، بأي طريقة (بينكشف بعد الدراسة) انو عم توصل لهالشرائح من البنات، يلي طبعاً بيتفاوت نسبة القمع عند أهلون (من مافي طلعة من البيت غير بإذني إلى يلي بيضلو برات البيت لل 1-2 الصبح وماحدا سائل مع انو محجبين، (طبعاً أنا حكي بسياق المجتمع السوري يلي بيعتبر بشكل عام التأخر برات البيت من البنت لأي سبب كان، غلط كتير كبير) بس المهم.

أما السبب ليش أنا شايف موضوع الحجاب بأساسو غلط، فهوة موضوع طويل كتير ومعقد، وأنا نفسي بتجي أحيان وبقول يا أخي حرين، بس برجع وبفكر بالسبب يلي خلاهون يحطو الحجاب… أو بالأحرى: شو يلي عم يحققو هالحجاب هاد غير أنو يكون قيد على حريتها للبنت، وقمع لتفكيرها بشكل أو بآخر. سواء كان السبب العادات والتقاليد أو السبب هوة الدين نفسو، أنا هون هدفي انو قول، أنو الحجاب عم يسبب مشاكل معينة للكل.. وبصراحة عند المجبة يلي بتكون بوسط غير محجب: بتقول أن بدي حط الحجاب مشان ورجيهون أني قوية، يعني الهدف بالآخير تحقيق شخصية. وبين وسط المجبين: بيكون نوع من العادة أو الضغط أو العرف أو تحقيق غاية (متل أنو يصيرو يحبوها أهلها أكتر للبنت المراهقة). فالموضوع متعب، والموضوع بيطلب دراسة اجتماعية مطولة لمعرفة السبب الحقيقي للحجاب وشو هوة يلي عم يحققو، وعلى أساسو بيتقرر انو ينترك حرية أو المفروض يصير توعية بهالموضوع.

بالنسبة لمنظر الحجاب العادي، أنا شخصياً ما بدايق أد ما بدايق من النقاب. بس أنا شخصياً بزعل أكتر من ما ادايق. بزعل عليهون للبنات يلي بيحطو حجاب. لأنو وبصراحة وعن طريق أحاديث مطولة: ماشفت هدفّ! طبعاً ما حدى بيقول هالشي هيك عالمفتشي (يعني على الملأ) بس الكل بيضل بيلاقي أعزار وحجج لتبريرو. شي بيقلك مشان مقاومة الإغراء، شي بيقلك عفة، شي بيقلك للحفاظ على العلاقة مع الله، وهلم جر. بس تعى عطيني تفسير دنيوي واضح. كلو بيندحض أدام الأفكار يلي صارت هلق أساسيات بتقدم حياة البنت (نتيجة تطور الحياة كلها بشكل عام).

على موضوع أنو سوريا علمانية أولاء، ما كنت بعرف أنو هالشي مو معلن وبشكل واضح. بس أنا شفت كم مقابلة لمسؤولين رفيعين عم يقولو أنو سوريا دولة علمانية… أما إزا كان أصدك عالتطبيق، فأنا معك، لأنو لو كانو بدون يطبقو علمانية حقيقية بالتعليم، بيلتغى تعليم الديانة (الإسلامية والمسيحية) من المنهاج المدرسي.

حبة عيني مرة أخرى الرجل الخفي ، صدقني ما كان بيخطر ببالي أي شعور سيء تجاهك وبعتذر بجد عن أي كلمة تحسست منا
بالنسبة لكلامك عن النقاشات المسدودة.. ممكن نعتبر هاي المرة ناقشنا واصل لنتيجة واضحة ومتفق عليا ، ولحد كلامك الأخير ماني شايف أنو في خلاف بيني وبينك ، والنقطة الأساسية اللي بدي أكد عليا تاني مرة اختلاف أذواق الناس واتجاهاتن وأفكارن تبعا لاختلاف المشارب والموارد.
هادا أنا وياك متفق علي أنا وياك لحد الآن.. أوكي
خلينا هلأ من موضوع الأونبيزة اللي بوشك ، خلينا ناخد شي اجتماعي لساتو تازا.. مسلا هلأ قبل 4 أشهر تقريبا عنا بسوريا منعو التدخين بالأماكن العامة ، طبعا ولا تسأل عن نسبة التدخين الخرافية بالشعب.
أنا متأكد أنو بها الموضوع الاجتماعي اللي بيمس شريحة كبيرة من الشعب راح تختلف فيا وجهات نظرن حول قبول الموضوع من عدمه.. وبمعنى أصح في شريحة أكيد مع القرار وفي شريحة بالمقابل رافضة للقرار وكل واحد بيأكد وجهة نظرو بما معو من براهين وأدلة.. إزا اختلاف الاتجاهات تجاه أي قضية موجود دائما .. حتى هلأ كمان متفقين أوكي.
هلأ بموضوع النقاب عنا نفس الحكي تماما، أنا ماني معارض وجهة نظر الشريحة المعارضة بما معا من براهين وأدلة تجاه الموضوع من حيث الأصل ، وبنفس الوقت ما بقدر أمنع الطرف الآخر من وجهات نظر وكلٌ إلوا رأيو بالنهاية بما تكفلوا إلوا مبادئ الحرية الليبرالية.
طيب إنتا أشرت لنقطة مهمة وهي قضية الحرية الفردية وعدم التعدي عحرية الغير ، وإنوا لما بتلبش حرية الغير بتوقف الحرية الفردية..
بها الوقت راح نختلف بتحديد مكان حرية الفرد وحرية الغير وتحديد المسافة بين الأطراف ، وهون بيجي القرار السياسي الفاصل بالموضوع بعد تمحيص القانون بالنيابية البرلمانية أو حتى بالاستفتاء الشعبي العام ، وبتكون (( الأغلبية )) هي نقطة الحسم والفصل.
اعتقد أنوا حتى الآن برضوا ما في مشاكل.. ما هيك ؟
حأتركلك الباقي

انا ساريحكم تماما من موضوع الحريات الشخصية واين تبدا او اين تنتهي وسافرض جدلا ان النقاب هو تعد على حرية المجموع الآمن الذي يالف سلوكيات مامونة لابنائه ولا يريد شذوذا ان يشوبها والنقاب شذوذ اقل مافيه انه يصيب غالبية الطلاب والطالبات بالاعياء والغثيان ولا بد من قمعه ولاباس قبل ذلك بنوع من الاقصاء الاجتماعي والعلمي للمنقبات من باب التحذير
والسؤال
هل بهذا القرار نحن نريد ايصال رسالة ما الى المنقبة دون ان نخسرها ام نريد التخلص منها
المنقبة اذا كانت تتعرض للعنف لتلتزم بالنقاب فهل نقويها بالعلم لتتحصن بوظيفة مستقبلية تغنيها عن نفقة وايواء وليها المتسلط
ام نلقي بها لتكون خادمة عنده تحت رحمة نفقته الى ان يموت
هل نريد منها ان تغير قناعات ابيها بيوم وليلة
وفي حال تعرضت للعنف وهربت من بيت ابيها المتسلط
هل وظفنا مصدرا ما ديا يغطي ايوائها اذا لبت نداءنا بالثورة على مجتمعها الذكوري
وهل اعد لدراسة ما عن عدد المنقبات اللواتي يمكن تقديم الماوى لهن
وهل نضمن الا تتقدم جهات خارجية من باب التخجيل للدعم دون ان تكشف ثم يعتبر هذا الايواء نوع من التبشير
وهل نضمن ان الكثير من الفتيات لن يدعين كذبا الهروب من بيئة النقاب من اجل ان يحظوا بهذا الايواء
وحين تنهي دراستها كاملا فهل نضمن لاحقا انها لن تشعر بحرقة الندم وتبعاته النفسية التي قد تدفعها لعودة اكبر تمسكا بالنقاب
وفي حال ان المنقبة تحمل وزر نقابها لانها تقتنع به فيا ترى هل قضينا على المصدر الذي يفرض على بناتنا هذه القناعة اليس الشيوخ ورجال الدين هم وراء اغلب قناعات هذه الفتاة
هل نحن حيدنا تاثير هؤلاء على الفتاة قبل ان نعاقبها على ثمارتاثيرهم عليها
اليست المساجد هي مراكز التاثير الاكبر على قناعات المتدينين
هل من الحكمة ان نزج انفسنا في صدام مع اكبر مراكز ثقافية نحتاجها لحشد المجتمع ضد الجريمة والفساد والدعارة والمخدرات التي هي اكبر ما يهدد مستقبل ابنائنا في هذا البلد
هل استطاعت المراكز الثقافية ان تكون البديل
هل تعلمون بانه قبل فترة من الوقت كان مريض الايدز يحجر عليه في بلدنا وذلك للحرص على عدم انتشار المرض ولكن بعد وصول عدد المصابين الى رقم يثقل كاهل المراقبة خففت حاليا القيود على مريض الايدز الى درجة انك قد تقابله وتحتك معه يوميا
هل صدرت اي تعليمات بشان تسجيل مرضى الايدز في الجامعات
ولن اتحدث عن اللباس الذي يوصف بالتعري او التفلت او اللا محتشم الذي اضحى شعارا لصفوة المجتمع ونخبته
لا لا و لن ازعج مدمنات نظرات الاعجاب والتحديق اللوات لا يطقن النوم قبل اكتمال النصاب اليومي من المغازلين
واسالكم بدلا عن ذلك عن ظاهرة تكادوا تكونوا الفتموها وهي الشواذ جنسيا الذين اضحوا معروفين في الجامعة بتحركاتهم وزواياهم واسمائهم و هم الذين يتعارفون بينهم بسلوكيات مشفرة اتفقوا عليها من موقعهم الالكتروني المصرح به وغير المحجوب
هل نحن في غنى عن دور المساجد في تجنيب شبابنا الكثير من الانحرافات التي قد تفتك بالمجتمع
واذا كان النقاب دليل على نجاح المساجد في تاثيرها على السلوك العام الا يجب ان يدفعنا هذا للحفاظ على علاقة جيدة مع القائمين عليها
هل ينكر احد دور المساجد في التعبئة الوطنية في حرب تشرين

النقاب ليس حرية شخصية النقاب استعباد وذل وعندما يصدر قانون لتحرير الرقيق ومنع العبودية لايؤخذ برأي بعض العبيد الذين يخافون الحرية ويردون أن يبقوا عبيدا ومسترقين

“هناك مشكلة؟… امنع”
العادة لم تتغير عند المسؤولين في سورية فعند ظهور أي مشكلة يكون الحل بالمنع حتى أصبحنا نسأل ما هو المسموح؟أنا أرفض النقاب لكن في الوقت نفسه أرفض المنع لأن من يمنع غيري اليوم سيمنعني غدا
كما قلت هذه عادة المسؤولين فهم يرون أن منع الأمور التي أدت الى مشكلات ستخلصهم من الوقوع فيها ثانية طبعا كما قال الجميع موضوع الأهالي “كذبة بيضاء” فلا الأهالي يخاطبون الوزير ولا الوزير يستقبلهم أساسا فمن أين وصلت الشكاوى ومتى كان الأهالي يعرفون ما يجري في الجامعات؟!
ربما كما قال البعض هناك مشكلة في الامتحانات ولم يجد الوزير حلا سوى منع النقاب مثلما منعت شرطة دمشق الدراجات الهوائية بحجة انها تعيق السير بدل ان تخالف من ﻻ يحترم القانون
كالعادة “هناك مشكلة؟…..امنع”

كيف يقارن النقاب بالتعري بجد امر غير مفهوم

حسنا نرى اعتراض على النقاب بسبب الناحية الامنية مو مشكلة لكن ان نرى الاعتراض عليه بسبب الحرية هذه مشكلة لا ويقال اذا كانت المراة لها الحرية ان تخرج منقبة لم لا تخرج عارية ايضا لا فرق والمحزن ان نرى من يريد منع الحجاب ايضا

يا اخوان انتو نسيتو شي مهم التعري مخالف للاسلام بينما النقاب لا مشكلة فيه لذلك فهو حرية شخصية وما دام هناك خطر على الامن لا باس برفضه ما دام الحجاب موجود

بالعربي انا مع رفض النقاب ما دام يؤثر على الامن ولكني ضد من يقولون برفضه بسبب كونه منظر مقزز بالاخير انا مو سوري وممكن بعض الاوجه خفيت علي واتمن فهم وجهة نظري